كشف محمد أشرف "روقا"، لاعب نادي الزمالك السابق، حقيقة طلب جوزية جوميز مدرب الفارس الأبيض السابق، برحيل اللاعب عن صفوف الفريق.

تليجراف الخليج، وكتب روقا عبر حسابه الرسمي" إنستجرام": دي اخر مره هتكلم فيها بخصوص الموضوع اللي اتكلمت فيه أمبارح ده الشات اللي جوميز بعتهولي عشان يتكلم معايا كان يوم ٧/١٠ ".

وتابع قائلاً:" وكان أخر ماتش اللي هو الجيش في الكأس كان ٢١/٨ باين يعني فيه مدة شهر، و١٥ يوم مظنش أن هيكون فيه مدرب كاتب تقرير في لاعيب إنه يمشي وهيكلمه بعد ما يمشي بشه ونص ويشكرني على الفترة اللي قضيتها في النادي، وإنه لقاني من أكتر اللاعيبه اللي لعبت ماتشات في الكونفدرالية".

وواصل قائلاً:" وأنا اما ذكرت اسمك ياكابتن عبد الواحد عشان أنت عارف أنا بحبك أزاي وبحترمك، وكنت فاكر أن حضرتك هتقول كلمة حق اما حد يكلمك في الموضوع وحضرتك قولت أن جوميز هو اللي كاتب تقرير بالناس اللي هتمشي وكان اسمي فيها طيب وقسما بالله وقسم اتحاسب بيه قدام ربنا حضرتك قولتلي إن مجلس الادارة اللي مبلغك بمشياني".

واختتم قائلاً:" أنا معنديش مشكلة في حاجة مع حضرتك أنا بحترمك وبحبك وحضرتك عارف كده اما بالنسبه للكابتن أيمن عبد العزيز حبيت بس اوريك اني مبعلقش حاجة على شماعة، أو بتحجج زي ما قولت لان أنت مدرب اهو، ومقتنع أن الكورة مفهاش تكتيك فاكيد يعني مش هتكلم لاعيب عندك انت ممشيه وهتشكره مساءك فل".