حرصت الإعلامية نهاوند سري على توجيه رسالة للفنانة لقاء الخميسي بعد نصيحتها للسيدات بعدم خراب منزلها، ومسامحة زوجها في الخيانة، مشيرة إلى أن تلك النصيحة خاطئة ويوجد سيدات لديها كرامة، لن تقبل الخيانة، وذلك في فيديو على حسابه الرسمي بموقع التواصل الاجتماعي فيسبوك.

في ستات عندها كرامة متقبلش الخيانة.. نهاوند سري توجه رسالة حادة لـ لقاء الخميسي 

قالت نهاوند سري في تصريحات رصدها موقع تليجراف الخليج: "لقاء الخميسي حرة تقبل تسامح في اللي حصلها أو متسامحش، محدش أبدا يتمنى يكون مكانها وكلنا شوفنا اللي حصلها ، لكن رسالتها للستات االي اتخانت في أنها تسامح دي رسالة غلط ومكنش المفروض تقولها".

وتابعت نهاوند سري حديثها: اللي بيخرب البيت مش الست لما ترفض تسامح اللي بيخربه الراجل اللي بيقرر يخون، الراجل اللي بيمشى ورا شهواته وأنانيته عشان يتبسط، اللي نسي العشرة وولاده وفكر في نفسه بس فيه ستات عندها كرامة متقدرش تسامح وتكمل بعد الخيانة.

أول تعليق من لقاء الخميسي على زواج محمد عبد المنصف

يذكر أن لقاء الخميسي كانت قد علقت على أزمة زواج من عبد المنصف من أخرى ، الأمر الذي صدم الوسط الفني وجميع رواد مواقع التواصل الاجتماعي المختلفة، : أسهل شيء في الدنيا هدم البيوت، وأصعب وأقوى شيء إننا نحافظ عليها. الحفاظ على الأسرة مسؤولية كبيرة، ومحتاج شجاعة وصبر وحب. بيوتنا وأولادنا يستاهلوا إننا نقاتل علشانهم، ونحميهم بالوعي والمودة والسلام.

وتابعت: كلنا بنغلط، وبنراجع نفسنا، وبنرجع أقوى، وبنبدأ من جديد بقلب أنضف، وشغف أكبر، وحب أصدق. رسالتي لكل ست وكل ربة منزل: خلي بيتك دايمًا أولوية، واحمي عيلتك بكل قوتك، وما تديش الفرصة لأي حد يهز استقرار بيت اتبنى بالمحبة. بحبكم جدًا، ووجودكم في حياتي نعمة كبيرة، عيلتي وأصدقائي الغاليين.

لقاء الخميسي بعد أزمة عبد المنصف: مفيش انسان معصوم من خطأ

واختتمت لقاء الخميسي حديثها: كلنا ممكن نغلط ونلخبط الطريق، لكن الفرق الحقيقي بين الناس إن في اللي يكمّل في الغلط، وفي اللي يقف، يراجع نفسه، يندم، ويرجع للحكمة والصواب، زي ما ربنا قال: «خطّاؤون، وخير الخطّائين التوابون»… مفيش إنسان معصوم، لكن القوة الحقيقية في الاعتراف بالغلط والرجوع عنه، وربنا دايمًا فاتح باب الرحمة والمغفرة.