زهرة اسماعيل - دبي - تعتبر علاقة مريم فخر الدين وأحمد مظهر من العلاقات التي يتغنى بها الوسط الفني، والتي بدأت منذ فيلم رد قلبي واستمرت حتى رحل الفنان الكبير.

وعلى عكس جميع علاقاتها، احتفظت مريم فخر الدين بعلاقتها مع أحمد مظهر كصداقة فقط دون أن تدخل في اتجاه أخر؛ لرغبتها في الحفاظ عليه.

مريم فخر الدين وأحمد مظهر وكانت مريم فخر الدين بئرًا لأسرار أحمد مظهر كذلك، حيث كشفت في لقاء تلفزيوني نادر عن الجانب المآساوي في حياة صديقها.

وقالت مريم فخر الدين عن أحمد مظهر، في برنامج ساعة صفا إن علاقتهما كانت صداقة فقط.

وتابعت : مظهر كان صديقي بس عشان كده علاقتنا كملت لأخر لحظة، لكن لو كان في حب أو سكس بيني وبينه كانت علاقتنا باظت من زمان.

كذلك أوضحت : أنا كنت قريبة أوي منه وكان بيقولي كل حاجة، وقالي أن أولاده رفعوا قضية حجر عليه.

ولفتت إلى أنه كان يمتلك  فدادين بملايين الجنيهات؛ لذلك قام أولاده بالحجر عليه.

واستكملت: كنت لما أروح أزوره مراته وعياله يعاملوني بطريقة وحشة أوي، وكأنهم مش عايزين حد يشوفه.

اسطردت: كان لما يشوفنا يقولنا أنا نفسي في شاورما، طب ما تأكلوه أنتو مخليين الراجل نفسه في حاجة ليه

وروت عن موقف شهدته بعينها خلال استضافة سمير صبري لمظهر في برنامج.

وقالت : قولت لسمير أديله فلوس كتير في الحلقة عشان يفرح، كان ساعتها خلاص مفيش شغل، المهم فرح ولسه بيشيل الفلوس جت مراته خدتها وكان في شد وجذب بينهم وبين بعض وظهر على الكاميرا، فقولت لسمير يشتريله جبن وأكل، وعمل كده، بس فجأة الحاجات دي اختفت.

كذلك قالت إن أسرة مظهر كانت تعامله بجحود وبطريقة سيئة للغاية، وكانت زوجته تظن أنه تزوجني.

وتابعت : مراته قالتلي الناس بتقول أنكم متجوزين، فقولتلها هو أنا لو متجوزة مظهر كنت سبتهولك ؟ كنت هسيبه قاعد في البدروم ده ؟ لأ كنت هاخده وأدلعه.